Сайт Раённай газеты Міёрскія навіны
 
Навигация на сайте:
» Культура » Из Миор на Псковщину, где Пушкинские Горы
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Чэрвень 2021    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
17-10-2015, 15:06 Культура  ] • Из Миор на Псковщину, где Пушкинские Горы   |  
 
Назва: З Міёраў на Пскоўшчыну, дзе Пушкінскія Горы      

Из Миор на Псковщину, где Пушкинские Горы У самым цэнтры Пскоўскай вобласці, за 120 кіламетраў ад Пскова, на невысокіх пагорках, акружаных сасоннікам,— пасёлак Пушкінскія Горы. Некалі гэтае месца называлі Святыя Горы, што абумоўлена тамашнім знаходжаннем Свята-Успенскага манастыра, заснаванага ў 1569 годзе па загадзе цара Івана Грознага.  

 

 

Праз усё жыццё класік рускай літаратуры Аляксандр Пушкін пранёс любоў да гэтага цудоўнага куточка, дзе яго родавы маёнтак, куды часта наведваўся, тут правёў два гады высылкі (з 1824 па 1826 г.) і завяшчаў пахаваць свой прах. Гістарычныя мясціны ў мінулую суботу наведала больш за 40 міярчан. Экскурсію арганізаваў турысцка-інфармацыйны пункт аддзела адукацыі, спорту і турызму райвыканкама. За што вялікі дзякуй інструктару-метадысту Алене 
Лаўрыновіч!

Праз усё жыццё класік рускай літаратуры Аляксандр Пушкін пранёс любоў да гэтага цудоўнага куточка, дзе яго родавы маёнтак, куды часта наведваўся, тут правёў два гады высылкі (з 1824 па 1826 г.) і завяшчаў пахаваць свой прах. Гістарычныя мясціны ў мінулую суботу наведала больш за 40 міярчан. Экскурсію арганізаваў турысцка-інфармацыйны пункт аддзела адукацыі, спорту і турызму райвыканкама. За што вялікі дзякуй інструктару-метадысту Алене Лаўрыновіч! 

 

Из Миор на Псковщину, где Пушкинские Горы Галоўнае прыцягальнае месца Пушкінскага Запаведніка, што ў Гарах,—былы радавы маёнтак Ганібалаў-Пушкіных—Міхайлаўскае. Гэтае сяльцо імператрыца Лізавета падарыла прадзеду Пушкіна Абраму Ганібалу—афрыканцу, прывезенаму дзіцём у падарунак Пятру І. Арап стаў хрэснікам, паплечнікам, выхаванцам цара. Ганібалаўскі дом, дзе жыў паэт, не захаваўся, ды адноўлены па колішнім ладзе. З пярэдняй направа—кабінет Пушкіна, дзе ў цэнтры старадаўні пісьмовы стол, крэсла, якія памятаюць творцу. Сярод мемарыяльных рэчаў—вядомы адэскі жалезны кій (з падобным ён любіў ездзіць на святагорскія кірмашы), аксамітная падножная лавачка, якую падарыла ўнучка Ганны Керн, этажэрка, на якой футляр з дуэльнымі пісталетамі, у кніжнай шафе—сярэбраны падсвечнік, фарфоравая чарнільніца і вазачка для пер'яў.  Налева—пакой няні, дзе некалі працавалі за пяльцамі прыгонныя дзяўчаты, узоры іх сапраўдных вышывак тут і сёння. Тры пакоі з паўночнага боку—спальня, сталоўка і гасцёўня, дзе зараз тая ж штофная шпалера, партрэты дзядоў на сценах і печы са стракатай кафлі, старажытная мэбля. Злева ад Дома-музея драўляны флігель-лазня, дзе Пушкін, як і герой яго рамана Анегін, прымаў ледзяныя ванны. Па паданні, у свяцёлцы пры лазенцы жыла Арына Радзівонаўна Якаўлева, адсюль флігель атрымаў сваю другую назву—домік няні, якую паэт вельмі любіў, запісваў пачутыя ёй сюжэты для сваіх будучых казак: пра цара Салтана, мёртвую царэўну, папа і Балду. З яе слоў узнік пралог да паэмы "Руслан і Людміла" ("Ля Лукамор'я дуб зялёны"). 

 

Из Миор на Псковщину, где Пушкинские Горы На шляху ў Міхайлаўскае з боку Пушкінскіх Гор—старажытная вёсачка Бугрова, тут адбудаваны колішні з 1761-га вадзяны млын, знаходзіцца пскоўскі сялянскі двор з хатай і гаспадарчымі пабудовамі. 

Прыкладна за пяць кіламетраў ад Міхайлаўскага—сяло Трыгорскае (назва з-за размяшчэння на трох пагорках)—сядзіба блізкіх суседзяў і сяброў Пушкіна Осіпавых і Вульфаў. Гэтаму месцу прысвечаны бясцэнныя вершы і "вясковыя часткі" рамана "Яўген Анегін". Дом у Трыгорскім—той самы "дом Ларыных", а ў рысах герояў—канкрэтныя асобы насельнікаў сядзібы. З часам асобныя куточкі мясцовага парка набылі ўласныя імёны: "Алея Таццяны", "Лаўка Анегіна"… Асабліва прыцягвала ўвагу паэта тамашняя вялікая бібліятэка. Блізка да першапачатковага выгляду адноўлена ўнутранае ўбранне пакояў, карціны, мэбля, камінны гадзіннік, падарункі Пушкіна, яго партрэты і лісты. 

Сяло Пятроўскае таксама ўваходзіла ў склад зямель, падораных імператрыцай прадзеду Пушкіна. На старым падмурку адноўлены мемарыяльны дом Абрама Пятровіча. У 1782-м Пятроўскае атрымаў у спадчыну Пётр Абрамавіч Ганібал—стрыечны дзядзька паэта. У гэты час тут узводзіцца вялікі панскі дом (зараз Дом-музей). У экспазіцыі побач з прадметамі быту партрэты Пятра І і імператрыцы Лізаветы, ікона Ганібала "Спас Нерукатворны" і іншыя рэчыўныя сведчанні даўняй эпохі. Напрыклад, гравюры Палтаўскай бітвы. Пятроўскі парк—самы стары ў Запаведніку. Адрозніваецца ад Міхайлаўскага і Трыгорскага больш строгай планіроўкай. Асабліва прыгожая алея ліп, якая вядзе ад гаспадарскага дома да возера. Побач захаваліся старэйшыны—два магутныя вязы і ліпа, што раслі яшчэ пры Ганібале. 

 

Апошнім зямным прыстанкам Аляксандра Пушкіна стаў старажытны Святагорскі манастыр. Тут у 1837-м цела паэта аддадзена зямлі ля алтарнай сцяны сабора. Праз чатыры гады на магіле ўстаноўлены помнік, выкананы па заказе ўдавы Пушкіна пецярбургскім майстрам Пермагоравым. На масіў-ным цокалі абеліска залатымі літарамі высечаны гады і месцы нараджэння і смерці Паэта. 

 

Алена БАСІКІРСКАЯ.

Фота аўтара. 

 


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar