Deprecated: Methods with the same name as their class will not be constructors in a future version of PHP; SLClient has a deprecated constructor in /home/mijoryby/public_html1/setlinks_d2530/slclient.php on line 10
У рэспубліцы »
З 20 лістапада Беларусбанк увёў новы дэпазіт з тэрмінам захоўвання 3 месяцы. Яго адметнасць у тым, што памер працэнтнай стаўкі з кожным месяцам павялічваецца і складае адпаведна 49%, 49,5 і 50,5%.
Пастановай Савета Міністраў Рэспублікі Беларусь ад 25 кастрычніка 2013 г. №934 зменены пералік тавараў і паслуг, цэны і тарыфы на якія рэгулююцца Міністэрствам эканомікі, у сувязі з гэтым узнікла неабходнасць прывядзення ў адпаведнасць заканадаўства. Таму і была прынята пастанова ад 5 лістапада 2013г . № 80 "Аб унясенні змяненняў у пастанову Міністэрства эканомікі Рэспублікі Беларусь ад 14 снежня 2011 г. № 200"
Пасля афіцыйнага апублікавання ўступіў у сілу Указ №441 ад 25 верасня "Аб некаторых пытаннях прафесійнага пенсійнага страхавання". Гэты дакумент устанавіў, што работнікам, якія маюць права на датэрміновую прафесійную пенсію і да 1 студзеня 2009 года выпрацавалі не менш палавіны поўнага стажу работы з асаблівымі ўмовамі працы, што патрабуецца для прызначэння пенсіі па ўзросце ў адпаведнасці з пунктамі "а" і "б" часткі першай арт. 12 ці арт. 15 Закона "Аб пенсійным забеспячэнні", замест датэрміновай прафесійнай пенсіі прызначаецца пенсія па ўзросце за работу з асаблівымі ўмовамі працы.
Колькасць насельніцтва Беларусі на 1 кастрычніка бягучага года склала 9 млн. 465,5 тысяч чалавек. Натуральнае змяншэнне паменшылася ў параўнанні з адпаведным перыядам 2012 года на 28% і склала 6247 чалавек. Міграцыйны прырост за студзень-верасень склаў 7 тысяч 869 чалавек (павялічыўся ў параўнанні з аналагічным перыядам 2012 года на 1750 чалавек ці на 28,6%) і кампенсаваў натуральнае змяншэнне насельніцтва, забяспечыўшы павелічэнне яго колькаснага складу.
На 1 студзеня бягучага года ў рэспубліцы пражывалі 2 млн.239 тысяч маладых грамадзян ва ўзросце ад 14 да 31 года—гэта 23,7% ад агульнай колькасці насельніцтва краіны. Каля 38% моладзі жыве ў Мінску, 10,9%—у Мінскай і 10,6%—у Гродзенскай абласцях. Самая шматлікая маладзёжная група ва ўзросце 25-30 гадоў, на пачатак сёлетняга года яна налічвала 930,1 тысячу чалавек.
Пастановай Савета Міністраў ад 14 жніўня 2013 г. №712 унесены змяненні ў Правілы расследавання і ўліку няшчасных выпадкаў на вытворчасці і прафесійных захворванняў.
ААТ "АСБ Беларусбанк" абвясціў аб адкрыцці спецыяльнага дэпазіту з унікальнымі ўмовамі. Грошы прымаюцца ў нацыянальнай валюце, але выплаты па працэнтах прывязваюцца да курсу долара ЗША. Банк лічыць, што ад такой прапановы нельга адмаўляцца. Мінімальная сума ўкладу на новы дэпазіт "Гарант"—10 млн. беларускіх рублёў. Банк гарантуе атрыманне дадатковага даходу, які забяспечвае вяртанне зберажэнняў у нацвалюце ў памеры, эквівалентным суме долараў на дату адкрыцця самога ўкладу.
